जिल्हास्तरीय कराटे स्पर्धेसाठी डिस्नेलँड स्कूलच्या दोन विद्यार्थ्यांची निवड

जिल्हास्तरीय कराटे स्पर्धेसाठी डिस्नेलँड स्कूलच्या दोन विद्यार्थ्यांची निवड

तालुका प्रतिनिधी चामोर्शी:-

चामोर्शी तालुकास्तरीय कराटे स्पर्धेत उत्कृष्ट कामगिरी बजावत डिज्नीलैंड अँड प्रेसिडेन्सी इंग्लिश मीडियम स्कूल चामोर्शी या शाळेच्या दोन विद्यार्थ्यांनी जिल्हास्तरीय कराटे स्पर्धेसाठी आपली निवड निश्चित केली आहे. वेदिका वैरागडे आणि कुश  वन्नेवार अशी या यशस्वी विद्यार्थ्यांची नावे आहेत.

आयोजित करण्यात आलेल्या तालुकास्तरीय कराटे स्पर्धेत चामोर्शी येथील डिस्नेलँड अँड प्रेसिडेन्सी इंग्लिश मीडियम स्कूलच्या विद्यार्थ्यांनी उत्स्फूर्त सहभाग नोंदविला. विविध गटात झालेल्या या स्पर्धेत विद्यार्थ्यांनी आत्मविश्वास, शिस्त, चपळाई आणि कौशल्याचे उत्कृष्ट प्रदर्शन केले. त्यामध्ये वेदिका वैरागडे आणि कुश वन्नेवार यांनी आपल्या दमदार खेळाचे प्रदर्शन करीत उल्लेखनीय यश संपादन केले.

कराटे या क्रीडा प्रकारात सातत्यपूर्ण सराव, शारीरिक तंदुरुस्ती, मानसिक एकाग्रता आणि शिस्तीला विशेष महत्त्व असते. या सर्व बाबींचा योग्य समन्वय साधत दोन्ही विद्यार्थ्यांनी स्पर्धेत आपली गुणवत्ता सिद्ध केली. त्यांच्या या कामगिरीमुळे त्यांची आगामी जिल्हास्तरीय कराटे स्पर्धेसाठी निवड झाली आहे. या यशामुळे शाळेच्या क्रीडा क्षेत्रातील कामगिरीत आणखी एक मानाचा तुरा रोवला गेला आहे.

स्पर्धेदरम्यान शाळेचे प्राचार्य जे.विलास सर तसेच क्रीडा शिक्षक श्रीधर रोक्कला उपस्थित होते. त्यांनी स्पर्धेत सहभागी विद्यार्थ्यांचा उत्साह वाढवून त्यांना प्रोत्साहन दिले. विद्यार्थ्यांच्या या यशामागे त्यांचे नियमित मार्गदर्शन, सराव आणि शिक्षकांचे प्रोत्साहन महत्त्वाचे ठरले.

वेदिका वैरागडे आणि कुश वन्नेवार यांच्या या उल्लेखनीय यशाबद्दल शाळेचे प्राचार्य, शिक्षकवृंद आणि शाळा व्यवस्थापनाने त्यांचे अभिनंदन केले. तसेच आगामी जिल्हास्तरीय स्पर्धेतही उत्तम कामगिरी करून शाळेचे तसेच चामोर्शीचे नाव उज्ज्वल करावे, यासाठी दोन्ही खेळाडूंना मनःपूर्वक शुभेच्छा देण्यात आल्या.

तालुकास्तरीय स्पर्धेतून जिल्हास्तरावर निवड झाल्याने शाळेतील विद्यार्थी, शिक्षक आणि पालकांमध्ये आनंदाचे वातावरण आहे. विद्यार्थ्यांनी मिळविलेल्या या यशातून इतर विद्यार्थ्यांनाही क्रीडा क्षेत्रात पुढे येण्यासाठी प्रेरणा मिळणार आहे.